A Asociación de Alfombristas de Galicia, con representación importante nestas parroquias, levou a cabo un feito histórico na contorna: dúas alfombras en Santiago (nas igrexas de San Fructuoso e San Francisco) e outra na parroquia de Ames. Debido á época de precaución vírica que toca vivir, adoptaron todas as medidas de prudencia oportunas e reduciron os tamaños dos seus traballos que, sendo efímeros pola súa caducidade no tempo, non deixaron de constituirse en arte de elevada categoría para o Santísimo Sacramento. As labouras de San Fructuoso fixeron posible que moitos fieis que seguen a Misa pola TVG puidesen unirse ao cariño que os cristiáns tributan a Xesús Eucaristía. As de San Francisco acompañaron a celebración do Arcebispo que alí tivo lugar. E na Parroquia de Ames, o Sacramento recibiu a calor dun grupiño representativo dos nenos da catequese, que poñían así o broche dun curso marcado polas circuntancias sanitarias. Gratitude ao Señor e a quen adorna o seu camiño.